جامی یورۆ ٢٠٢٤.. ئینگڵتەرا و ئیسپانیا گەیشتنە یاری کۆتایی
- ئینگڵتەرا لەمیانی یارییەکانی قۆناغی چارەکی کۆتایی پاڵەوانێتی جامی نەتەوەکانی ئەورووپا بۆ تۆپی پێ، بە ئەنجامی دوو گۆڵ بەرامبەر بە گۆڵێک لە ھەڵبژاردەی ھۆڵەندای بردەوە و لە یاری کۆتایی پاڵەوانێتییەکەدا، ڕووبەڕووی ھەڵبژاردەی ئیسپانیا دەبێتەوە.
Istanbul
ئیستانبوڵ ــ AA
لە میانی یارییەکانی قۆناغی چارەکی کۆتایی پاڵەوانێتی جامی نەتەوەکانی ئەورووپا بۆ تۆپی پێ، ھەڵبژاردەی ئینگڵتەرا بە ئەنجامی دوو گۆڵ بەرامبەر بە گۆڵێک لە ھەڵبژاردەی ھۆڵەندای بردەوە و گەیشتە یاری کۆتایی پاڵەوانێتییەکە.
دوێنێ سێشەممە لە میانی یارییەکانی قۆناغی چارەکی کۆتایی پاڵەوانێتی جامی "یورۆی ٢٠٢٤"، ھەڵبژاردەی ئینگڵتەرا و ھەڵبژاردەی ھۆڵەندا لە لە یاریگای سیگناڵ ئیدونا پارک ڕووبەڕووی یەکتر بوونەوە.
لە گێمی یەکەمی یارییەکە، یاریزانانی ھۆڵەندا باشتر یارییان کرد و لە خولەکی حەوتدا یاریزانی ھەڵبژاردەی ھۆڵەندا، چاڤی سیمۆنس گۆڵی یەکەمی تۆمار کرد.
دواتر یاریزانانی ھەڵبژاردەی ئینگلتەرا چوونە ناو گەشی یاریگا و لە خولەکی ١٨دا، یازیزانی ھەڵبژاردەی ئینگڵتەرا، ھاری کەین بە لێدانێکی سزا ئەنجامەکەی یەکسان کردەوە.
گێمی یەکەمی یەکەمی یارییەکە بە ئەنجامی ١-١ بۆ ھەردوو ھەڵبژاردە کۆتایی ھات.
لە گێمی دووەمی یارییەکەدا، ھۆڵەندییەکان زیاتر ھەوڵەکانیان چڕکردەوە بۆ ئەوەی گۆڵ لە ھەڵبژاردەی ئینگڵتەرا تۆمار بکەن، بەڵام سەرکەوتوو نەبوون.
لە خولەکی ٩٠دا یاریزانی ھەڵبژادەی ئینگڵتەرا، ئولی واتکینز گۆڵی دووەمی بۆ ھەڵبژاردەکەی تۆمار کرد.
یارییەکەش بە ئەنجامی ٢-١ لە بەرژەوەندی ھەڵبژاردەی ئینگڵتەرا کۆتایی ھات.
بەو ئەنجامەش ھەڵبژاردەی ئینگڵتەرا گەیشتنە یاری کۆتایی پاڵەوانێتی جامی نەتەوەکانی ئەورووپا و ھاوکات ھەڵبژاردەکانی ھۆڵەنداش ماڵئاوایی لە پاڵەوانێتییەکەدا کرد.
ڕۆژی ١٤ی ئەم مانگە کاتژمێر ٢٢:٠٠ بە کاتی ھەولێر، ھەڵبژاردەی ئینگڵتەرا و ھەڵبژاردەی ئیسپانیا لە یاریی کۆتایی پاڵەوانێتی جامی نەتەوەکانی ئەورووپا لە یاریگای ئۆڵۆمپی بەرلین، ڕووبەڕووی یەکتر دەبنەوە.
