عێراق, رەمەزان مانگی رەحمەت و بەرەکەت
بەرزڕاگرتنی شەوی قەدر لە دهۆك
بە بەشداری ژمارەیەکی زۆر لە موسڵمانان، لە مزگەوتەکانی شاری دھۆک شەوی قەدر بەرز ڕاگیرا.
Rawan Subhi Obaiullah |
27.03.2025 - نوێکردنەوە : 28.03.2025
Arbil
دھۆک - AA
ساڵانە و لە دە شەوی کۆتایی مانگی رەمەزان بە تایبەتی لە شەوی ٢٧ی رەمەزان ژمارەیەکی زۆری موسڵمانان لە مزگەوتەکان دەمێننەوە و تا کاتی پارشێو سەرقاڵی پەرستش و نوێژ و زیکر دەبن.
شەوی قەدر کە لە ئایینی ئیسلامدا مانەوە تیایدا و ئەنجامدانی نوێژ و یادی خودا خێرەکەی لە ھەزار مانگ زیاترە، بەپێی زۆرینەی بۆچوونەکان دەکەوێتە شەوی ٢٧ی مانگی ڕەمەزان.
لە شەوی قەدردا کە قورئانی پیرۆز دابەزیوە، بە شەوی کرانەوەی دەرگای ئاسمانەکان و قبوڵبوونی تەوبە دادەنرێت و تاکە شەوە کە لە قورئانی پیرۆزدا ناوی ھاتبێت.
لەسەراسەری جیھاندا موسڵمانان گرنگی زۆر بە شەوی قەدر دەدەن و، مزگەوتەکان ئاوەدان دەکەنەوە بۆ ئەوەی بێبەش نەبن لە خێری ئەو شەوە.
ئەمساڵیش لە مزگەوتی سەیدۆ و زۆرێک لە مزگەوتەکانی شاری دھۆک، بە بەشداری ژمارەیەکی زۆر لە موسڵمانان شەوی قەدر بەرز ڕاگیرا.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
