غەززە ــ AA

بزووتنەوەی حەماس ڕاگەیاند کە گفتوگۆنیان لەگەڵ وڵاتانی نێوەندگیری لە پێناو وەستاندنی دەستدرێژییەکانی ئیسرائیل بۆ سەر کەرتی غەززە بەردەوامن.

گوتەبێژی بزووتنەوەی حەماس، عەبدولـلەتیف قانوع لە ڕاگەیاندراوێکدا ئاماژەی بەوەداوە کە گفتوگۆکانیان لەگەڵ وڵاتانی نێوەندگیری لە پێناو وەستاندنی دەستدرێژییەکانی ئیسرائیل بۆ سەر کەرتی غەززە بەردەوامن.

ڕاشیگەیاندووە: "پێویستە ھەوڵ بدرێت، داگیرکار پابەند بکرێت، بۆ ئەوەی ڕێککەوتنی ئاگربەست جێبەجێ بکات، هەروەها دەستدرێژییەکانیشی بۆ سەر غەززە بوەستێنێت".

ڕاشیگەیاندووە: "پابەندین بە جێبەجێکردنی ڕێککەوتنی ئاگربەست و لەگەڵ وڵاتانی نێوەندگیر کار دەکەین، بۆ ئەوەی گەلەکەمان لە شەڕ دوور بخەینەوە".

ئاماژەی بەوەشداوە کە داوایان لە وڵاتانی عەرەبی و ڕێکخراوی ھاریکاریی ئیسلامی کردووە کە ھەوڵەکانیان چڕتر بکەنەوە، بۆ ئەوەی فەڵەستینییەکانی غەززە لە کۆمەڵکوژی و برسێتی ڕزگار بکەن.