ترابزۆن ــ AA

دێری سومێلا لە پارێزگای ترابزۆن باکووری ڕۆژھەڵاتی تورکیا، بەھۆی تەلارسازە ناوازەکەی بووەتە جێگایەکی سەرسوڕھێنەر لە دڵی سروشتدا.

هەروەها دێری سومێلا کە یەکێکە لە گرنگترین شوێنە گەشتیارییەکانی تورکیا، ھەڵکەوتەیەکی زۆر سەختی ھەیە و دەکەوێتە چیای "قەرەداغ" شارۆچکەی ماچکای سەر بە پارێزگای ترابزۆن لە ساڵی ٢٠٠٠وە ناوی چووەتە لیستی میراتی جیھانی یونیسکۆوە.

دێری سومێلا بە دێری "مەریەمی پاکیزە" ناسراوە و ٣٠٠ مەتر لە ئاستی دەریاوە بەرزە و تایبەتە بە شوێنکەوتووانی مەسیحییە ئەرتۆدۆکسەکان و لە ١٥ی ئابی ٢٠١٠دا، بەڕووی گەشتیاراندا، کرایەوە.

لە میانی پشووەکانی جەژنی ڕەمەزاندا، ١٣ ھەزار و ٨٢٦ گەشتیار سەردانی دێری سومێلا-یان کردووە.
بەڕێوەبەری کۆمپانیایەکی گەشتیاری لە دۆڵی "ئاڵتین دێرە" لە لێدوانێکدا بۆ ئاژانسی ئانادۆڵو ئاماژەی بەوەدا کە گرنگی زۆر بە دێری سومێلا دەدرێت.

گوتیشی: "ھێشتا وەرزی گەشتیاری لە دێری سومێلا دەستی پێ نەکردەوە".

باسی لەوەش کرد کە گەشتیاران بە تەلارسازە ناوازەکەی دێری سومێلا، دیمەنە سروشتییەکانی دەوروبەری دێرەکە سەرسامن، جەختیشی لەوە کردەوە کە ھیچ جێگایەکی دیکە بەو دیمەنە جوانییەی دێری سومێلا لە ناوچەکەدا، نییە.