وەزارەتی بەرگریی تورکیا: "بەپێی یاداشتنامەی لێکتێگەیشتن لە بەعشیقە مەشق بە هێزە ئەمنییەکانی عێراق دەکرێت"
![وەزارەتی بەرگریی تورکیا: "بەپێی یاداشتنامەی لێکتێگەیشتن لە بەعشیقە مەشق بە هێزە ئەمنییەکانی عێراق دەکرێت"](https://cdnuploads.aa.com.tr/uploads/Contents/2024/08/23/thumbs_b_c_4f0bd2482713ed67bd619e776a0fa7b1.jpg?v=105000)
Ankara
ئەنقەرە ــ AA
وەزارەتی بەرگریی تورکیا بڵاویکردەوە لە ڕێگەی ئەو یاداشتنامە لێکتێگەیشتنەی سەبارەت بە هاریکاریی ئەمنیی لە ١٥ی ئابدا لەنێوان تورکیا و عێراقدا واژوو کرا 'ناوەندی هاوبەشی هەماهەنگیی ئەمنیی' لە بەغدا دادەمەزرێت کە کارمەندانی تورک و عێراقی بەیەکەوە کاری تێدا دەکەن و، تیایدا زانیاری هەواڵگریی بەشدەکرێت و پلانی ستراتیجی سەربازی دادەنرێت.
ڕاوێژکاری پەیوەندییەکان و ڕاگەیاندن لە وەزارەتی بەرگریی تورکیا، ئەدمیراڵ زەکی ئاکتورک لە بینای وەزارەتەکە کۆنگرەیەکی ڕۆژنامەوانیی ڕێکخست.
ئەدمیراڵ ئاکتورک ئاماژەی بەوە کرد کە سوپای تورکیا لە ڕێگەی ئۆپەراسیۆن و نوێنەرایەتییە نێودەوڵەتییەکان بە سەرکەوتوویی بەردەوامە لەسەر چالاکییەکانی مەشق و ڕاوێژکاری لە وڵاتانی دۆست و هاوپەیماندا.
ئاکتورک ڕاشیگەیاند: "بەڕێز وەزیرەکەمان کە بەشداری لە کۆبوونەوەی 'میکانیزمی باڵای ئەمنییدا' کرد لە نێوان وڵاتەکەمان و عێراقدا کە لە ١٥ی ئابدا چوارهەمینی لە ئەنقەرە سازکرا، لەگەڵ وەزیری بەرگریی عێراقدا 'یاداشتنامەی لێکتێگەیشتنی لەبارەی هاریکاریی ئەمنیی و بەرەنگاربوونەوەی تیرۆر' واژووکرد. لە ڕێگەی ئەو ڕێککەوتنەوە 'ناوەندی هاوبەشی هەماهەنگیی ئەمنیی' لە بەغدا دادەمەزرێت کە کارمەندانی تورک و عێراقی بەیەکەوە کاری تێدا دەکەن و، تیایدا زانیاری هەواڵگریی بەشدەکرێت و پلانی ستراتیجی سەربازی دادەنرێت، هەروەها لە نێوان هێزەکانماندا لە گۆڕەپانەکەدا هەماهەنگیی دەکرێت بۆ وەستانەوە دژی ئەو ڕێکخراوە تیرۆریستییانەی مەترسی لەسەر هەردوو وڵات دروست دەکەن. پلان دادەنرێت لە ڕێگەی ناوەندی هاریکاریی و مەشقی هاوبەش کە هەر لە ڕێگەی ئەم ڕێککەوتنەوە لە بەعشیقە دروست دەکرێت مەشق بە هێزە ئەمنییەکانی عێراق بکرێت بە ئامانجی زیادکردنی تواناکان لە ڕووی ئەمنیی و بەرەنگاربوونەوەی تیرۆر و بەشکردنی ئەزموون لەو بارەیەوە. لە قۆناغی کۆتاییشدا تیرۆر کە مەترسی لەسەر خەڵکی هەردوو وڵات دروست کردووە ئیدی لەناودەچێت و لەوە دەردەچێت ببێت بە کێشە لە ناوچەکەدا".
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن