ژمارەی کوژراوانی کۆمەڵکوژییەکانی ئیسرائیل لە غەززە ٤٠ ھەزار کەسی تێپەڕاند
ژمارەی ئەو فەڵەستینییانەی کە تا ئێستا لە ئاکامی کۆمەڵکوژییەکانی سوپای ئیسرائیل لە کەرتی غەززە کوژراون، ٤٠ ھەزار کەسی تێپەڕاند.
![ژمارەی کوژراوانی کۆمەڵکوژییەکانی ئیسرائیل لە غەززە ٤٠ ھەزار کەسی تێپەڕاند](https://cdnuploads.aa.com.tr/uploads/Contents/2024/08/15/thumbs_b_c_7c231f02e480c6980d60c6e3295b4051.jpg?v=151127)
Arbil
غەززە ــ AA
ژمارەی ئەو فەڵەستینییانەی کە لە ٧ی تشرینی یەکەمی ساڵی ٢٠٢٣وە تا ئێستا لە ئاکامی کۆمەڵکوژییەکانی سوپای ئیسرائیل لە کەرتی غەززە کوژراون، ٤٠ ھەزار کەسی تێپەڕاند.
وەزارەتی تەندروستی فەڵەستین لە کەرتی غەززە لە ڕاگەیاندراوێکدا، دوایین ئاماری لەبارەی ژمارەی قوربانیانی کۆمەڵکوژییەکانی ئیسرائیل لە کەرتی غەززە کە ماوەی ٣١٤ ڕۆژە بەردەوامن، خستەڕوو.
بەپێی ڕاگەیاندراوەکە لە ٢٤ کاتژمێری ڕابردوودا لە ئاکامی کۆمەڵکوژییەکانی سوپای ئیسرائیل لە کەرتی غەززە، ٤٠ فەڵەستینی کوژراون و ١٠٧ی دیکەش برینداربوون.
ڕاشیگەیاندووە، ژمارەی ئەو فەڵەستینییانەی کە تا ئێستا لە ئاکامی کۆمەڵکوژییەکانی ئیسرائیلدا لە غەززە کوژراون، بەرزبووەتەوە بۆ ٤٠ ھەزار و پێنج کەس و ژمارەی بریندارانیش گەیشتووەتە ٩٢ ھەزار و ٤٠١ کەس.