هەکاری - AA

تیمی ڕاماڵینی بەفر لە پارێزگای هەکاری کە سەربە فەرمانگەی تایبەتی پارێزگاکەیە، بەشداری لە دەنگدان بە وێنەی ساڵی ئاژانسی ئانادۆڵودا کرد، کە تایبەتە بە وێنەی ڕووداوە گرنگەکانی ساڵی ٢٠٢٤.

تیمەکە کە لەسەر ڕێگای ناوەندی خلیسکێنەی مێرگابوتان سەرقاڵی ڕاماڵینی بەفری سەر ڕێگاوبانەکانن، لەو وێنانە وردبووەوە کە پەیامنێرانی ئاژانسی ئانادۆڵو لە ناوخۆ و دەرەوەی وڵاتەکە چرکاندوویانە.

ئەو کەسانەی بەشداری لە دەنگدانەکەدا دەکەن دەتوانن دەنگ لەسەر ئەو ژمارەیەی وێنە بدەن کە دەخوازن.

لەم دەنگدانەدا کە ئاژانسی ئانادۆڵو یەکەم جار لە ساڵی ٢٠١٢ سازی کرد، هەموو ساڵێک سەدان هەزار کەس لە هەموو چین و توێژەکانی کۆمەڵگا بەشداری تێدا دەکەن، بەتایبەتی سەرکۆماری تورکیا، ڕەجەب تەیب ئەردۆغان و وەزیرەکان، سیاسەتمەداران، بیرۆکراتەکان، وەرزشوانان، هونەرمەندان.

ئەم دەنگدانە کە ساڵی ڕابردوو ٨٦٩ هەزار و ٥٩١ کەس بەشداریان تێدا کرد، هەتا کاتژمێر ١٧:٠٠ی ڕۆژی ٣١ی کانوونی دووەمی ٢٠٢٥، لە ڕێگەی ماڵپەڕی "yilinkareleri.aa.com.tr"ەوە بەردەوام دەبێت.