یارییەکانی ئۆڵۆمپیادی پاریس ٢٠٢٤ بە ڕێوڕەسمێک کۆتایی هات
ئاڵای تورکیا لەلایەن بۆکسێنەری نیشتمانیی، بوسە ناز چاکرئۆغڵو براوەی میدالیای زیو و زۆرانبازی نیشتمانیی، تەها ئاکگول براوەی میدالیای برونز لە ئۆڵۆمپیادەکاندا، بەرزکرایەوە.
France
پاریس - AA
بە سازکردنی ڕێوڕەسمی داخستن، یارییەکانی ئۆڵۆمپیادی پاریس ٢٠٢٤ کۆتایی هات.
ڕێوڕەسمەکە لە یاریگای فەڕەنسا (Stade de France) لە پاریسی پایتەختی فەڕەنسا بەڕێوەچوو کە توانای لەخۆگرتنی ٨٠ هەزار کەسی هەیە و هەریەک لە سەرکۆماری وڵاتەکە، ئیمانوێل ماکرۆن و سەرۆکی لیژنەی نێودەوڵەتیی ئۆڵۆمپیاد، تۆماس باخ و میوانەکان بەشداریان کرد.
لە ڕێوڕەسمەکەدا کە بە کوژاندنەوەی ئاگری ئۆڵۆمپیادەکە لە باخچەی تویلەریسی مێژوویی دەستیپێکرد لەلایەن مەلەوانی فەڕەنسی، لیۆن مارچاند کە لە میانی یارییەکانی ئۆڵۆمپیادی پاریس ٢٠٢٤دا چوار میدالیای زێڕ و یەک میدالیای برونزی بەدەستهێناوە، سرودی نیشتمانی فەڕەنسا خوێندرا.
ئاڵای ٢٠٤ وڵاتی بەشداری یارییەکان و تیپی ئۆڵۆمپی پەنابەران لەلایەن وەرزشوانانەوە هێنرانە یاریگاکە.
ئاڵای تورکیا لەلایەن بۆکسێنەری نیشتمانیی، بوسە ناز چاکرئۆغڵو براوەی میدالیای زیو و زۆرانبازی نیشتمانیی، تەها ئاکگول براوەی میدالیای برونز لە ئۆڵۆمپیادەکاندا، بەرزکرایەوە.
ڕێوڕەسمی داخستنی ئۆڵۆمپیادەکە بە نمایشی یاری ئاگرین کۆتاییهات.
