БиХ: Пукање во Калесија, полицијата трага по сторителите

САРАЕВО (АА) - Неидентификувани лица рано утрово отвориле оган на улица во Калесија, во североисточна Босна и Херцеговина (БиХ), а силни полициски сили се на терен во потрага по сторителите, потврди полицијата, пренесува Анадолу.

Како што објавија медиумите во БиХ, ограбена е златарница во центарот на Калесија.

Утрово во 07:35 часот се случило пукање во центарот на Калесија кога непознати лица употребиле огнено оружје. Иако се појавија информации дека е пукано врз полициски службеници, од Министерството за внатрешни работи на Тузланскиот кантон соопштија дека сè уште немаат точни информации за тоа кон кого било пукано.

„Пријавено е дека во центарот на Калесија се случува грабеж во просториите на една златарница и дека е употребено огнено оружје. На местото на настанот се пратени сите расположливи патроли на Полициската станица Калесија, Полицискиот оддел Калесија, тимовите за брза интервенција на Специјалната полициска единица за поддршка, а патроли на Полициската станица Сапна, Полициската станица Живинице и полицајци од Полициската станица Зворник се на терен (и во пошироката област) бидејќи сторителите се оддалечиле од местото на настанот“, соопшти Министерството за внатрешни работи на Тузланскиот кантон.

Медиумите ја пренесоа информацијата дека разбојниците наводно пукале кон полицијата, информација што Министерството за внатрешни работи сè уште не ја потврди.

Во активностите вклучени се и полициски службеници на Граничната полиција на БиХ.

Полицијата го блокираше подрачјето и во тек е истрага, а пукањето се случило во близина на основно училиште и други сообраќајни објекти.