На новинарите од Северна Македонија им беа претставени „Турските вкусови“

Во Скопје на новинарите им беа претставени „Турските вкусови“, јавува Анадолу.

На настанот организиран во хотел од страна на Канцеларијата на советникот за култура и промоција при Амбасадата на Турција во Скопје присуствуваа новинари од Северна Македонија.

Новинарите на настанот имаа можност одблиску да се запознаат со богатата кулинарска култура на Турција и да ги вкусат традиционалните специјалитети.

- „Турската кујна е заедничко наследство меѓу Северна Македонија и Турција“ -

Советникот за култура и промоција при турската амбасада, Енес Оздемир, во своето обраќање потсети дека годинава Неделата на турската кујна се организира под темата „Наследство на една трпеза“.

„Турската кујна е заедничко наследство меѓу Северна Македонија и Турција. Имаме многу слични јадења и кујна. Нашата кулинарска култура е колективно наследство обликувано низ вековите преку заедничко производство и заеднички животни искуства.“, рече тој.