Во Косово вкупно 598 заболени од Ковид-19, 15 смртни случаи

ПРИШТИНА (АА) - Националниот институт за јавно здравје на Косово соопшти дека во последните 24 часа има 37 новозаразени со Ковид-19, додека вкупниот број на починати изнесува 15, пренесува Агенција Анадолија (АА).

Во најновиот извештај се наведува дека од 353 тестирани примероци сомнителни на коронавирусот, 37 биле позитивни и сите се случаи на контакти со заболени.

Од Институтот се наведува дека досега на северот на Косово регистрирани се 3 смртни случаи, со што вкупниот број на починати лица од Ковид-19 во Косово пораснал на 15.

Од 8 февруари, тестирани се вкупно 5.009 примероци сомнителни на коронавирусот, од кои 598 беа позитивни, со 15 смртни случаи. Сите починати имале и придружни болести.

Во Косово излекувани се уште 21 пациент, со што бројот на излекувани лица се зголеми на 123.