Вучиќ и Иваниќ: Добрите односи на Србите и Бошњаците се важни за стабилноста во регионот

БЕЛГРАД (AA) - Во текот на состанокот на премиерот на Србија, Александар Вучиќ, и претседавачот на Претседателството на БиХ, Младен Иваниќ, разговарано е за билатералните односи меѓу двете земји, политичката ситуација во Србија и во БиХ, како и за ситуацијата во регионот, јавувa Anadolu Agency (AA).

Според соопштението на службата за медиуми на премиерот на Србија, Вучиќ во текот на разговорот истакнал дека „Србија е определена за најдобрите политички и економски односи со Босна и Херцеговина“.

„Таквите добрососедски односи се во интерес на српскиот народ во Република Српска и во Босна и Херцеговина“, рече Вучиќ.

„Вучиќ и Иваниќ се согласија дека добрите односи на Србите и Бошњаците се од суштинско значење за зачувување на мирот и стабилноста во регионот, како и за севкупниот напредок на економиите на Западен Балкан“, се вели во понатамошниот текст на соопштението.