Zylfije Adem Jakupi
07 Мај 2021•Ажурирај: 07 Мај 2021
ПРИШТИНА
На Косово во последното деноноќие се детектирани 170 новозаразени со коронавирус, а животот го загубија 4 лица, пренесува Агенција Анадолија (АА).
Националниот институт за јавно здравје на Косово информираше дека во текот на последните 24 часа извршено е тестирање на 2.545 примероци сомнителни на новиот тип на коронавирус (Ковид-19), од кои 170 биле позитивни.
Во истиот период животот го загубија четири лица од последици предизвикани од Ковид-19. Вкупната бројка на починати се зголеми на 2.202.
Вкупниот број на лица позитивни на коронавирус изнесува 106.192, а досега се тестирани 549.286 примероци сомнителни на коронавирус.
Во текот на последните 24 часа од Ковид-19 оздравеа 389 лица, зголемувајќи го вкупниот број на оздравени на 97.057. Во моментов во Косово се активни 6.933 случаи на зараза со Ковид-19.
