Османи: Љубовта и гласот на народот на Косово ќе останат мој компас во секој чекор

ПРИШТИНА (AA) – Претседателката на Косово, Вјоса Османи, денес порача дека љубовта и гласот на граѓаните на Косово ќе останат нејзин компас во секој чекор, пренесува Анадолу.

Османи на социјалната мрежа на компанијата X, со седиште во САД, објави и видеоснимка во која се прикажани нејзините средби со граѓаните на Косово за време на мандатот.

„Довербата, љубовта и гласот на народот на Косово ме водеа на мојот пат и тие ќе останат мој компас во секој чекор што претстои“, изјави таа.

Петгодишниот мандат на Вјоса Османи истекува задутре, на 4 март.

Таа јавно ја изрази амбицијата да се кандидира за втор мандат, но засега не е познато дали ќе ги има потребните 30 потписи од пратениците за кандидатура.