Admir Fazlagic
14 Август 2020•Ажурирај: 15 Август 2020
СКОПЈЕ
Во Република Северна Македонија во последните 24 часа се регистрирани 160 нови случаи на коронавирусот (Ковид-19), со што вкупната бројка на регистрирани случаи со овој вирус се искачи на 12.515, пренесува Агенција Анадолија (АА).
Министерството за здравство соопшти дека во последните 24 часа починаа три пациенти со што вкупната бројка на смртните случаи предизвикани од Ковид-19 изнесува 535.
Денеска Институтот за јавно здравје регистрира 368 оздравени пациенти од Ковид-19. Со ова вкупната бројка на оздравени пациенти од овој вирус се искачи на 9.030.
Во моментов бројот на активни случаи на Ковид-19 во земјата изнесува 2.950.
Министерството за здравство информира дека во последните 24 часа се направени 2172 тестирања на Ковид-19, досега во земјата се направени вкупно 123122 тестирања на овој вирус.
