Сервисот на AA на македонски јазик одбележува пет години постоење

СКОПЈЕ (АА) - Пред точно пет години, на 9 ноември 2015 година, турската новинска Агенција Анадолија (AA) отвори Сервис на македонски јазик, со седиште во Скопје, од каде што се објавуваат вестите и на албански јазик.

Во текот на изминатите пет години, Сервисот на AA на македонски јазик, со објавувањето вести од регионот и од светот, проследени со фотографии и видеосодржини од коресподентите на Агенцијата од сите страни на светот, стекна активна улога во македонскиот медиумски простор, вклучително и кај читателите од регионот и пошироко.

Од основањето на Сервисот на АА на македонски јазик досега, објавени се 66.654 вести, 23.058 фотогалерии и 14.959 видеозаписи.

Секојдневно од Канцеларијата на АА во Скопје, за претплатниците и читателите се објавуваат вести, фотографии, видеа, како и инфографика.

Агенција Анадолија (AA) има историја долга скоро 100 години, основана е во 1920 година. АА е меѓу десетте најголеми агенции во светот, која објавува вести на 13 светски јазици. Освен на македонски и албански јазик, се објавуваат вести и на турски, англиски, арапски, персиски, БХС (босански, српски, хрватски), руски, курдски (дијалектите сорани и курманџи), француски, индонезиски и шпански јазик.

АА е меѓу десетте најголеми агенции во светот, која на 13 јазици дневно реализира над 3.000 објави на вести, фотогалерии и видеосодржини.