Србија прогласи ден на жалост поради случувањата во Косово

БЕЛГРАД (АА) - Владата на Србија на денешната вонредна седница го прогласи 27 септември 2023 година за ден на жалост по повод трагичните случувања во Косово, пренесува Анадолу.

Како што е соопштено, Владата на Србија ги замолува сите медиуми и организатори на јавни манифестации утре, среда, 27 септември, да ја приспособат својата програма на денот на жалоста и на тој начин да им оддадат почит на загинатите во Косово.

По повод убиството на полицаецот Африм Буњаку кај Бањска, на северот на Косово, вчера во Косово беше ден на жалост.

Околу три часот по полноќ на 24 септември, во Бањска во Звечан, во напади на единица на косовската полиција загина Африм Буњаку, а полицаецот Албан Рашити беше ранет. Во акцијата на косовската полиција убиени се четворица напаѓачи, а шестмина се лишени од слобода.