Хрватска: Училиштен автобус излета од патот, повредени се три лица

При излетување на училиштен автобус од патот денес во Хрватска повредени се три лица, додека другите патници, главно ученици, се здобиле со полесни повреди и биле во состојба на шок, соопшти задарската полиција, јавува Анадолу.

Повикот за несреќата е примен во 7:58 часот, а полицијата потврди дека автобусот излетал од патот и дека сите итни служби веднаш биле упатени на местото на настанот.

Автобусот сообраќал на релација Мушковци–Обровац и превезувал ученици кон Обровац.

Повредените лица се пренесени за укажување лекарска помош, а на другите патници помош им е укажана на местото на несреќата.

На местото на несреќата во тек е полициски увид со кој се утврдуваат сите околности на настанот.