Британски медиуми: Принцот Хари и Меган планираат да се вратат во Велика Британија

Принцот Хари и Меган, војводата и војвотката од Сасекс, планираат кон крајот на овој месец да се преселат во Обединетото Кралство со своите две деца, објавија британските медиуми вчера, Анадолу.

Двојката планира да се пресели од Соединетите Американски Држави во приватна резиденција надвор од Лондон, која не е поврзана со кралското семејство, објави „Би-би-си“, повикувајќи се на извори запознаени со нивните планови. За преселбата првично објавија „Дејли телеграф“ и „Сан“.

Нивните деца, седумгодишниот принц Арчи и петгодишната принцеза Лилибет, според наводите, се очекува да почнат да посетуваат британско училиште во септември.

Кралот Чарлс Трети бил информиран за планираната преселба во неделата, додека принцот Вилијам и Кетрин, принцезата од Велс, исто така, биле известени за плановите на двојката, според наводите.

Во моментов нема планови Хари или Меган повторно да преземат официјални улоги како активни членови на кралското семејство.

Најавеното враќање претставува значаен пресврт за војводата и војвотката од Сасекс, кои се преселија во САД откако се повлекоа од кралските должности на почетокот на 2020 година.