Во Белгија детектирани над 23.000 заразени со Ковид-19

БРИСЕЛ

Во Белгија во последните 24 часа се детектирани 1.209 случаи на заразеност со новиот тип коронавирус (Ковид-19), со што вкупниот број на заразени изнесува 23.403, јавува Агенција Анадолија (АА).

Центарот за кризи во Белгија соопшти дека во последните 24 часа во болница се префрлени 487 лица, со што во болниците се наоѓаат 6.499 лица.

Во соопштението се вели дена во земјата на интензивна нега се наоѓаат 1.276 пациенти.

Заедно со новозаразените 1.209 лица во последните 24 часа, вкупниот број на детектирани случаи на лица позитивни на Ковид-19 во Белгија изнесува над 23.403. Во последните 24 часа од последиците предизвикани од новиот тип коронавирус животот го загубија 205 лица, со што вкупниот број на починати се искачи на 2.240.