Dejan Maksimoviç
03 Април 2016•Ажурирај: 04 Април 2016
ВАРАЖДИН (АА) – Ракометарите на Вардар и МВМ Веспрем вечерва од 19 часот во Вараџин ќе се борат за титулата победник во регионалната СЕХА лига. Најверојатно ќе биде тоа најсилното финале во историјата на ова натпреварување кое се приближува кон крајот на својата петта сезона. Фаворити нема, а она што е посебно интересно е фактот дека овие два тима ќе се спојат и во четвртфиналето на Лигата на шампиони, јавува Anadolu Agency (AA).
Македонскиот тим ќе се бори за третиот пехар во СЕХА лигата, додека Веспрем ќе ја брани освоената титула од минатата година на фајнл -фор кој беше одигран пред домашна публика. Една од главните надежи на Вардар е главниот голман Арпад Штербик, кој знае одлично како се освојуваат трофеи, бидејќи носејќи го дресот на шпанските великани Суидад Реал и Барселона, за време на репрезентацијата на Шпанија, освои многу такви.
„Стигнавме кај што посакувавме, бидејќи нашата првична цел беше да играме во финале. Сега нè чека тоа финале, а тоа се секогаш посебни натпревари. Кога ќе стигнете доттука тогаш е логично дека ќе се борите и ќе дадете сè од себе да го освоите пехарот. Жал ми е што Веспрем во полуфиналето одигра послаб натпревар, а нема шанси да биде толку лош два пати по ред. Така што ќе имаме тешка работа со нив. Сите знаеме дека тоа е еден од трите најдобри клубови во светот. Секогаш се борат за највисоки цели. Како ќе добиеме и на кој начин ќе се бориме тоа не знам, но ќе се бориме”, изјави најдобриот голман на регуларниот дел од СЕХА лигата.
Хавиер Сабате, тренерот на унгарскиот шампион, изрази задоволство што полуфиналните натпревари се на високо ниво како и поради тоа што неговиот тим во една од нив славел и стигнал до финалето.
„Игравме две сезони два пати со Вардар и два пати беше нерешено. Јасно ми е дека се работи за тимови од подеднаков квалитет и дека нè чека неизвесен меч. Ќе се потрудиме да се пoдготвиме што подобро, бидејќи Вардар е одличен тим кој напредува од година во година. Имаат одличен тренер и играчи, така што знам дека ќе биде тешко да се победи во тоа финале. Меѓутоа, ќе се потрудиме да славиме. Се надевам дека ќе дојдат и многу наши навивачи од Унгарија, што би ни го олесниле патот до триумфот”, изјави Сабате.
Пред финалето, на натпреварот за третото место во 16:30 часот, ќе играат поразените од полуфиналните дуели, ППД Загреб и Мешков Брест. Иако нема да играат за пехарот, од двата табора најавуваат дека ќе го дадат својот максимум за победа. 0 0 1 360 2055 Anadolu Ajansi 17 4 2411 14.0 Normal 0 false false false EN-US JA X-NONE /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:12.0pt; font-family:Cambria; mso-ascii-font-family:Cambria; mso-ascii-theme-font:minor-latin; mso-hansi-font-family:Cambria; mso-hansi-theme-font:minor-latin;}
