Астронаутите на „Артемис II“ влегоа во сферата на гравитациско влијание на Месечината

Четворицата астронаути на мисијата „Артемис II“ на НАСА денес влегоа во сферата на влијание на Месечината, точка каде што лунарната гравитација врши посилно влијание врз вселенското летало отколку привлечната сила на Земјата, јавува Анадолу.

Екипажот ја достигна оваа фаза по точно четири дена, шест часа и две минути од почетокот на мисијата, на растојание од околу 62.800 километри од Месечината и 373.400 километри од Земјата.

Следната клучна пресвртница ќе биде патувањето подоцна во текот на денот кон далечната страна на Месечината, со што луѓето ќе навлезат подлабоко во вселената од кога било досега.

„Сите сме возбудени за утрешниот ден“, изјави вчера Лори Глејз, заменик-раководител на Секторот за развој на истражувачки системи на НАСА.

„Нашиот тим за летачки операции и нашиот научен тим се подготвени за првото прелетување покрај Месечината по повеќе од 50 години“.

Овој екипаж ги вклучува првите астронаути кои се упатуваат кон Месечината по повеќе од половина век, означувајќи го враќањето на лунарните мисии по завршувањето на програмата „Аполо“ во 1972 година.