Турски компании на најголемиот саем за сателити во САД

ВАШИНГТОН (АА) - Водечките компании за сателити во Туркије, меѓу кои Турксат, Турски аерокосмички индустрии (TAI), Аселсан, Профен и Фергани Спејс, се претставија со своите производи на конференцијата и саемот Сателит 2025, најголем саем за сателити во светот, јавува Анадолу.

Настанот, кој се одржува во Вашингтон од 10 до 13 март, е домаќин на водечките светски производители на сателити од 1981 година.

Турскиот заменик-министер за транспорт и инфраструктура, Омер Фатих Сајан, за Анадолу изјави дека бројот на турски компании што се појавуваат на глобалната сцена на најголемиот саем на сателити во светот се зголемува секоја година.

При посетата на штандовите на турските компании на настанот, Сајан рече дека патешествието на домашната сателитска индустрија на Туркије започнала со проектот „Турксат 6А“, прв комуникациски сателит од домашно производство во земјата, кој беше лансиран од Флорида во јули 2024 година.

Заменик-министерот истакна дека на настанот е забележан голем интерес за турските компании што се платформа за воспоставување меѓународни конекции.

Сајан истакна дека турските компании на настанот изложиле компоненти користени во „Турксат 6А“.

Тој напомена дека во агендата е и проектот за обновување на сателитот „Турксат 3А“, кој е пред истекување, бидејќи Министерството истражува начини како да го оживее проектот со највисок можен сооднос на употребени компоненти од домашно производство.

Ахмет Хамди Аталај, генерален директор на Турксат, рече дека компанијата веќе многу години учествува на овој настан, заедно со ТАИ, Аселсан, Профен и Фергани Спејс, формирајќи „Турски павилјон“.

Јусуф Бора Картал, заменик-генерален директор на Аселсан, изјави дека компанијата нуди решенија за Турските вооружени сили и за домашните и странските клиенти речиси 25 години со широкиот асортиман на производи, од копнени терминали до носивост во вселената.

Неџдет Апајдин, заменик-генерален директор за технолошки иновации на Профен, истакна дека компанијата произведува сателитски комуникациски технологии што се користат во безбедноста и одбраната со своето 30-годишно искуство.

Таха Тетик, директор на ТАИ, рече дека многу се важни значајните достигнувања на „Турксат 6А“ и сателитите за набљудување на Земјата на Туркије.

Турските компании што присуствуваа на настанот реализираа различни состаноци со подизведувачи и потенцијални клиенти.