Турскиот претседател Реџеп Таип Ердоган изјави дека Туркије е директно засегната од настаните во регионот додека се одвива глобалната борба за моќ и додаде дека Туркије го нема луксузот да гледа од трибините, јавува Анадолу.

„Мораме да бидеме подготвени за сите сценарија и да управуваме со настаните во нашиот регион на начин што ќе биде од корист за нашата земја“, рече Ердоган во обраќањето за ифтар во Претседателскиот комплекс во Анкара.

Осврнувајќи се на враќањето на Сиријците во нивната земја, Ердоган рече дека Туркије го направи она што е правилно, морално и совесно во соседна Сирија. Тој додаде дека 133.000 Сиријци од Туркије доброволно се вратиле во Сирија по падот на режимот на Башар ал Асад.

Тој укажа и на решителните напори на Туркије во борбата против тероризмот.

„Туркије е поблиску од кога било до трајно, дефинитивно ослободување на нацијата од тероризмот, кој 40 години ја експлоатира крвта и ресурсите на народот“, заклучи Ердоган.