Dzihat Aliju
14 Декември 2015•Ажурирај: 15 Декември 2015
СКОПЈЕ (АА) – Министерот без ресор на Република Македонија Фуркан Чако, одржа средба со амбасадорот на Словачка во Република Македонија Мартин Безак, на којашто посебно се разговараше за заедничките активности на двете земји во правец на економскиот и туристички развој на земјата, јавува Anadolu Agency (АА).
Фуркан Чако во заедничката прес-конференција кажа дека е одржана работна средба со словачкиот амбасадор во Република Македонија, на којашто е разговарано за билатералните односи.
“На средбата со амбасадорот на Словачка разговаравме за нашите досегашни посети на Словачка. Исто така, ние разговаравме за словачките бизнисмени кои што се дојдени во нашата земја. Како што знаете, нашата соработка со Словачка продолжува. Имаме две компании кои имаат инвестиции во Македонија ", рече министерот
Чако, истакнувајќи дека верува дека во иднина ќе продолжи интересот на словачките компании и ќе биде во можност да ги чекаат во Македонија.
Амбасадорот на Словачка во Македонија Мартин Безак, пак, истакна дека во однос на економската соработка има голем потенцијал, кој за жал не е доволно искористен. Безак, кој кажа дека разговарале со министерот за напредокот на односите, рече, „Имаме одредени активности како што се основање на Бизнис клуб на Словачка и Македонија, развојот на првата седница на Мешовитиот комитет за трговска и економска соработка, зборувавме за можностите за инвестирање на словачките компании во земјата. Исто така, ќе се отвори директна авионска линија помеѓу Братислава и Скопје.
Работиме и на унапредувањето на туристичката понуда.“
