На Блед започна 11. Стратешки форум - 700 учесници од целиот свет

ЉУБЉАНА (АА) - На Блед во Словенија денес започна 11. Стратешки форум, на кој оваа година најмногу ќе стане збор за прашањето на безбедноста, интеграцијата и идните предизвици во Европа и нејзиното пошироко опкружување, јавува Anadolu Agency (AA).

Меѓународната конференција на која присуствуваа гости и експерти од 70 држави ја отвори словенечкиот премиер Миро Церар, посакувајќи им добредојде и успешна работа и придонес.

На овогодинешниот Стратешки форум ќе учествуваат околу 700 учесници од регионот, од земјите од Европската Унија, Соединетите Американски Држави и Канада.

Во тематските дискусии и на билатералните средби на Блед ќе бидат присутни и повеќето шефови на дипломатии на земјите од Западен Балкан, меѓу кои и шефовите на дипломатиите на Македонија, Србија и БиХ, кои ќе ги презентираат своите ставови за безбедносните прашања и за состојбите во регионот посветени на членството во ЕУ.

Во текот на двата дена, на панелите ќе се водат разговори за глобалната економија, миграциите, тероризмот, енергетиката, а особено за Европската Унија како привлечна заедница на стабилноста и напредокот.

Темата на 11. Стратешки форум е „Зачувување на иднината“.