Новата амбасадорка на Северна Македонија во Косово, Шпреса Јусуфи, ги предаде акредитивните писма

ПРИШТИНА (АА) - Вршителката на должноста претседател на Косово, Вјоса Османи, денеска ги прими акредитивните писма на амбасадорката на Северна Македонија, Шпреса Јусуфи, пренесува Агенција Анадолија (АА).

Од Претседателството на Косово е соопштено дека Османи во таа пригода оценила дека соработката на двете земји се заснова на географската близина и соседските односи.

Според нејзините зборови, регионалната стабилност и процесите на интеграција се важни фактори за регионалниот мир, но и за евроатлантскиот процес.

Двете соговорнички се согласија дека соработката меѓу Косово и Северна Македонија е одлична и дека намерата е да се продлабочува и понатаму.