Израелски доселеници запалија три палестински возила на окупираниот Западен Брег

Израелски доселеници вчера во текот на ноќта го нападнаа селото Рантис, западно од Рамала, на окупираниот Западен Брег, при што делумно запалија три палестински возила пред жителите на селото да се соочат со нив, јавува Анадолу.

Група доселеници го нападна селото во текот на ноќта и започна да пишува непријателски пораки на повеќе објекти, изјавија локални извори за Анадолу.

Жителите на селото им се спротивставија на доселениците, при што, според изворите, три возила биле делумно запалени, по што напаѓачите го напуштиле подрачјето.

Според изворите, Рантис и голем број други палестински градови и села на Западниот Брег биле цел на серија напади од доселениците.

Тие додаваат дека пред неколку месеци во близина на палестинските домови во селото бил формиран нелегален израелски доселенички пункт, а кај жителите тоа предизвикало стравувања дека ваквите напади би можеле да продолжат и да се прошират во областа.

Нападите се случуваат во услови на ескалација на насилството од страна на доселениците низ Западниот Брег, вклучително и напади врз Палестинци и нивниот имот, палење домови, возила и објекти, уништување на земјоделското земјиште со булдожери и спречување на земјоделците да пристапат до својата земја.

Откако Израел ја започна офанзивата врз Појасот Газа во октомври 2023 година, во која досега се убиени повеќе од 73.000 Палестинци, а над 174.000 се повредени, израелската армија ги интензивираше и упадите на Западниот Брег.