Индија успешно постави сателит за снимање на Земјата во геосинхрона орбита

Националната вселенска агенција на Индија денес лансираше ракета со сателит за снимање на Земјата, успешно ставајќи го во орбитата, пренесува Анадолу.

„Мисијата е успешна! ГСЛВ-Ф17 успешно ја заврши својата мисија, ставајќи го ЕОС-05 во предвидената орбита“, објави Индиската организација за вселенски истражувања (ИСРО) во објава на американската платформа за социјални медиуми X.

Лансирањето се случи од вселенскиот центар „Сатиш Даван“ во Јужна Индија во 2:55 часот по локално време.

ГСЛВ-Ф17 го означува 19. лет на индискиот геосинхрон лансирачки носач за сателити, а ЕОС-05 е најсовремено вселенско летало за набљудување на Земјата, соопшти вселенската агенција.

Тоа е прв индиски сателит за снимање дизајниран да работи од геосинхрона орбита, соопшти таа.

По денешното успешно лансирање, вселенската агенција има цел да реализира уште шест лансирања оваа година, изјави за новинарите претседателот на В. Нарајанан.