Родригез: Бројот на загинати во земјотресите во Венецуела се искачи на 164 лица, повредени се 971

Бројот на загинати од двата силни земјотреса што ја погодија Венецуела се искачи на најмалку 164 лица, а 971 се повредени, соопшти денес вршителката на функцијата претседател на Венецуела, Делси Родригез, јавија локалните медиуми, пренесува Анадолу.

Претходно денес Родригез изјави дека се загинати 32 лица, а повеќе од 700 се повредени по земјотресите со интензитет од 7,2 и 7,5 степени синоќа, предупредувајќи дека најверојатно ќе се зголеми бројот на жртви.

Ова се едни од најсилните земјотреси што ја погодиле Венецуела во изминатиот век, а силните потреси биле почувствувани низ регионот.

Доцна синоќа Родригез прогласи вонредна состојба по силните земјотреси што го погодија северниот карипски брег на Венецуела, предизвикувајќи големи штети и активирајќи предупредувања за цунами во регионот.

Геолошкиот институт на САД (USGS) проценува дека постои веројатност од 42 отсто бројот на загинати да биде меѓу 10.000 и 100.000 лица.

Сојузна држава Ла Гваира, во близина на Каракас, е најтешко погодена од земјотресите со интензитет од 7,2 и 7,5 степени.