Шумски пожар одзеде два живота кај Солун

Шумскиот пожар што го зафати северниот регион Македонија во Грција однесе два живота во северниот пристаништен град Солун, јавија утрово грчките медиуми, пренесува Анадолу.

Жртвите се 65-годишен маж и 12-годишно дете, за кое се верува дека е негов син, објави јавниот сервис ЕРТ.

Пожарникарите најпрво го пронашле телото на мажот во дворот на куќата, а потоа и телото на детето во куќата.

Засега не е познато зошто не успеале навреме да се евакуираат и покрај предупредувањата. Се наведува дека на нивниот голем имот имало пчелни кошници и земјоделски култури, па можно е да се обидувале да го спасат својот имот пред огнот да дојде до него.