Белгија планира да им го одземе државјанството на лицата обвинети за тешки кривични дела

БРИСЕЛ (АА) - Белгиската Влада денес постигна договор за воведување законска реформа со која се овозможува одземање на белгиското државјанство за лица осудени за сериозни кривични дела како што се организиран криминал, убиство или сексуални престапи, пренесува Анадолу.

Министерката за правда, Анелис Верлинден, рече дека реформата е наменета за оние кои стекнале белгиско државјанство во периодот од 15 години пред извршувањето на делото, објави државната новинска агенција Белга. Во моментов, овој период е 10 години.

„Секој што е обвинет за сериозни кривични дела што ги поткопуваат темелите на нашето општество може да го изгуби своето белгиско државјанство“, рече таа, додавајќи дека реформата има за цел да „испрати силен сигнал“.

Според новите регулативи, судиите ќе бидат обврзани за автоматско да го гледаат одземањето на државјанството во случаи на тероризам кои вклучуваат двојно државјанство, дури и ако обвинителството не го побара тоа.

Иако судовите на крајот можат да одлучат да не го одземат државјанството, тие мора да дадат експлицитно оправдување доколку последиците се сметаат за „неразумни и непропорционални“.

За други сериозни кривични дела, како убиство, сексуални престапи или организиран криминал, државјанството се одзема во специфични случаи кога кривичните дела претставуваат фундаментална закана за општеството.

Реформата, исто така, воведува 15-годишен рок на застарување за поднесување на вакви барања.