Британската поморска агенција пријави инцидент со танкер и воени сили во Оманскиот Залив

Британската агенција за поморски трговски операции (УКМТО) денес пријави инцидент во кој учествувале танкер и воени сили во Оманскиот Залив, во близина на Гвадар, на југозападниот брег на Пакистан, пренесува Анадолу.

Во соопштението, агенцијата ги повика пловните објекти да „ги земат предвид најновите информации за поморската безбедност и да бидат свесни за промените во оперативното опкружување“.

Надлежните се запознаени со инцидентот, а истрагата е во тек, соопшти УКМТО.

Во соопштението не се наведени дополнителни детали за танкерот, ниту дали во инцидентот има жртви или материјална штета.

Инцидентот се случува во услови на зголемени тензии околу Ормускиот Теснец по неодамнешните воени судири меѓу САД и Иран.