Бугарската морнарица уништи поморска мина близу пристанишниот град Варна

АТИНА (АА) - Бугарската морнарица уништи поморска мина во близина на јужниот пристаништен град Варна, пренесува Анадолу.

Државната новинска агенција, повикувајќи се на Морнарицата, објави дека мина од типот „YaM“ од периодот на Советскиот Сојуз била откриена недалеку од плажата Кабакум од специјализирани тимови на бродот ловец на мини „Струма“ претходно во текот на денот, а потоа е безбедно уништена.

Од Морнарицата се додава дека и понатаму е во состојба на готовност за да осигури безбедна пловидба во бугарските води.

Туркије, Бугарија и Романија во јануари потпишаа договор за заедничко справување со заканите од мини во водите на Црното Море, кои се појавија откако Русија ја започна својата „специјална воена операција“ во Украина во февруари 2022 година.