Во напад на израелската војска повредени 4 либански војници

НАБАТИЈА (АА) - Четворица либански војници се повредени во нападот на израелската војска врз јужниот дел на Либан, пренесува Анадолу.

Според веста на либанската официјална новинска агенција ННА, израелските сили извршиле артилериски гаѓања врз позиција на либанската војска во близина на местото Кефркила, што се наоѓа на јужната гранична зона на Либан.

Се истакнува дека како резултат на овој напад се повредени четворица либански војници.

Од 8 октомври се спроведуваат напади меѓу израелската војска и Хезболах.

Во овие напади загинале 89 припадници на Хезболах и 6 израелски војници.

Движењето Хезболах денес соопшти дека од јужниот дел на Либан биле нишанети четири воени позиции на Израел кои се наоѓале на граничната линија.