Двајца загинати во експлозија на бомба пред судница во североисточна Сирија

Две лица загинаа денес откако бомба експлодираше пред судот во Хасека, во североисточна Сирија, објави државната сириска телевизија, пренесува Анадолу.

Телевизијата „Алихбарија“ соопшти дека припадници на внатрешните безбедносни сили ја блокирале областа и ги истражуваат околностите поврзани со експлозијата.

Телевизијата не објави дополнителни детали за идентитетот на жртвите или за природата на експлозијата.

Досега, ниту една група не презеде одговорност за експлозијата.