Египет и Грција започнаа заедничка воена вежба во Средоземното Море 


Египет и Грција ја започнаа заедничката воена вежба „Медуза-15“, соопшти денес египетската Армија, јавува Анадолу.

Во соопштението се наведува дека вежбата ќе трае неколку дена во Средоземното Море и на неколку грчки воздухопловни бази.

Во вежбата учествуваат поморски, воздухопловни, противвоздушни, извидувачки и специјални единици на Египет и Грција, вклучително и падобранци и командоси.

Според соопштението, во вежбата учествуваат и сили од Франција, Италија и кипарската грчка администрација.

Вежбата започна со поморските сили на Египет и Грција кои изведоа вежба за пловидба додека се упатуваа кон Грција, заедно со теоретски и практични активности за подготовка, чија цел е усогласување на борбените концепти и размена на искуства меѓу земјите учеснички, се наведува во соопштението.

Се очекува во рамките на вежбата да бидат реализирани повеќе активности поврзани со управувањето со поморски и воздушни борбени операции против различни закани.

Во соопштението се наведува дека вежбата ќе опфати и активности со боево гаѓање, како и обука за справување со неконвенционални закани, што го одразува високото ниво на обученост и професионализам на учесниците.

Воената вежба „Медуза“ меѓу Египет и Грција започна во декември 2015 година.