КУДА (ЕРУСАЛИМ) (АА) - Една петтина од населението на Израел живее под прагот на сиромаштија, соопшти Националниот институт за осигурување (НИИ), пренесува Анадолу.

Годишниот извештај на Институтот покажа дека 1,98 милиони луѓе живеат под прагот на сиромаштија, од кои 872.400 се деца, а 158.500 постари граѓани.

Оваа бројка претставува 20,7 отсто од вкупното население на Израел од 9,7 милиони, од кои 27,9 отсто се деца, а 12,8 отсто се постари граѓани кои живеат под прагот на сиромаштија.

Според извештајот, стапката на сиромаштија е речиси иста како во изминатите две години со мало намалување од минатата година.

Извештајот, исто така, покажа дека сиромаштијата и немаштијата меѓу арапската и ултраортодоксната заедница во Израел се и понатаму високи.

Според извештајот, жителите на северен и јужен Израел и одредени подрачја во Ерусалим (Кудс) се меѓу најсиромашните во земјата.

Во понеделникот, израелската хуманитарна организација Латет соопшти дека повеќе од четвртина од израелското население живее под прагот на сиромаштија.