Започнуваат активностите на Турција како претседавач со Процесот на соработка во Југоисточна Европа

АНКАРА

Првата од активностите на Турција како претседавач со Процесот на соработка во Југоисточна Европа (ПСЈИЕ) за 2020/2021 ќе биде организирана во дигитална средина од страна на турската Акедемија за правда на 30 септември и 1 октомври, известува Агенција Анадолија (АА).

Во Процесот на соработка во Југоисточна Европа, што претставува најсеопфатен форум за регионална соработка, учество земаат 13 земји од Југоисточна Европа, меѓу кои и Северна Македонија, Бугарија и Албанија. Турција на 1 јули 2020 година по третпат го презеде претседавањето со овој процес, а претходно тоа беше во периодот 1998 - 1999 и 2009 - 2010.

Во рамките на активностите на Процесот за соработка во Југоисточна Европа, во периодот 30 септември - 1 октомври 2020 година турската Академија за правда ќе биде домаќин на програмата под наслов „Работилница за развојот на претстручна и професионална обука на судиите и обвинителите по Ковид-19“, што ќе се одржи онлајн.

На работилницата што ќе се одржи врз принципите на „регионална сопственост“ и „инклузивност“, коишто се темелат на Процесот на соработка во Југоисточна Европа, ќе се дискутира за потешкотиите со кои судските образовни институции на земјите кои партиципираат во ПСЈИЕ се соочуваат во претстручната и професионалната обука на судиите и обвинителите по избувнувањето на пандемијата на новиот вид коронавирус (Ковид-19) и за развојот на соработката на ова поле.

За време на работилницата, ќе се оцени развојот на настаните по Ковид-19 во институциите за обука на судството во земјите од Југоисточна Европа, ќе бидат утврдени нови стратегии и ќе се обезбеди воспоставување соработка во можните области.

Работилницата организирана врз дигитална платформа ќе биде на англиски јазик на 30 септември и 1 октомври. Учество ќе земат институциите за обука на судии на земјите учеснички во Процесот на соработка во Југоисточна Европа.