Израел изведе напад врз комплексот на Генералштабот на сириската армија во Дамаск

СКОПЈЕ (АА) - Најмалку две лица се повредени во нов израелски воздушен напад денес во кој е погоден комплексот на Генералштабот на сириската армија во главниот град Дамаск, јави државната новинска агенција САНА, пренесува Анадолу.

Нападот се случи додека дописникот на Анадолу известуваше од местото на претходниот напад.

Според Сирија ТВ, се слушнала престрелка во близина на комплексот, но не се соопштени дополнителни детали.

Израелската армија соопшти дека ќе прати засилување кон безбедносната ограда на границата со Сирија.

Овој потег доаѓа во услови на обновени израелски воздушни напади врз јужната сириска провинција Суејда, каде што има тензии и судири меѓу заедниците Друзе и Бедуини.