Израел со артилерија ја гранатира територијата на Либан

ТЕЛ АВИВ (АА) - Израелската војска денес го потврди артилериски напад врз Либан како одговор на ракетен инцидент, известува Анадолу.

„Израелските сили сега со артилериски оган го напаѓаат подрачјето во Либан од каде пред неколку минути е извршен напад врз израелската територија“, објави израелската војска.

Во соопштението се наведува дека „се подготвени на сите сценарија и дека ќе продолжат да ја штитат безбедноста на жителите на Израел.“

Израел по минофрлачкиот напад ги гранатираше ридот Кафат Шуба и градот Ал-Мари во јужен Либан.

„Гаѓавме три израелски позиции во окупираното подрачје“, објави либанскиот Хезболах денес.

Либанските власти не го коментираа инцидентот.

Министерството за здравство на Палестина денес објави дека во израелските авионски напади на Појасот Газа загинале 313 Палестинци, а повредени се 1.990.

Медиумите во Израел објавија дека во ракетните напади врз Израел досега загинале 350, а повредени се над 1.864 лица.