Abdel Ra'ouf D. A. R. Arnaout
27 Март 2023•Ажурирај: 27 Март 2023
КУДС (АА) - Националната федерација на синдикати на јавните службеници во Израел денеска предупреди дека ќе започне генерален штрајк доколку шефот на израелската Влада, Бенјамин Нетанјаху, не го суспендира планот за реформи во судството, јавува Анадолу.
„Ова е вистинско време да го кажеме нашиот збор“, рече Арнон Бар-Давид, шеф на работничкиот синдикат Хистадрут.
Тој на прес-конференцијата истакна дека се обидел да избегне штрајкови и блокади.
„Сепак, не можеме да преживееме во оваа поларизација“, нагласи Бар-Давид.
Нетанјаху синоќа го смени министерот за одбрана Јоав Галант, по еден ден откако шефот на одбраната ја повика Владата да ја запре контроверзната судска реформа.
Смената на министерот предизвика масовни протести што траеја до утрово.
Израел веќе 12 недели е место на протести против владините планови за воведување реформи во правосудството, кои опозицијата ги гледа како обид за намалување на овластувањата на судството во корист на извршната власт.
Нетанјаху тврди дека неговиот план ќе ја унапреди демократијата и ќе ја врати рамнотежата меѓу законодавната, извршната и судската власт.
