Said İbicioğlu
07 Јуни 2019•Ажурирај: 09 Јуни 2019
ГАЗА (АА) - Делегацијата задолжена за затвореници при Палестинската ослободителна организација упати предупредување дека израелските прекршувања врз палестинските затвореници достигнаа опасни димензии, пренесува Anadolu Agency (AA).
Претседателот на оваа делегација, Кадри Ебубекир, писмено соопшти дека израелските прекршувања врз палестинските затвореници достигнаа опасни димензии без преседан, и рече:
„Израел ги искористува сите услови со цел да ги изолира затворениците и да им се одмазди ним и на нивните семејства. Дури тоа се претвори во натпревар меѓу војниците и политичарите“.
Ебубекир нагласи дека затворениците секој ден се изложени на различни напади, и дека поголемиот дел од нив се пренесуваат на други места.
Според палестинските официјални извори, во израелските затвори се наоѓаат околу 5.700 Палестинци, од кои 500 административни затвореници и 250 деца.
Се вели дека од вкупниот број затвореници 1.800 се болни, а 700 затвореници имаат потреба од постојана здравствена поддршка.
