Израелските сили киднапираа млади мажи за време на упад во сириската област Дара

Израелските сили утринава киднапираа неколку млади мажи за време на нов упад во западниот дел на областа Дара, во Јужна Сирија, што претставува најново прекршување на сирискиот суверенитет, објави сириската телевизија Ал-Ихбарија, пренесува Анадолу.

Израелските сили киднапираа неколку млади мажи за време на упадот со околу 10 воени возила во селото Абидин, објави телевизијата.

Израелските сили во саботата доцна навечер извршија и упад во градот Ал-Рафид, во областа Кунејтра, во Јужна Сирија, при што извршија рации и претреси на неколку домови.

Јужна Сирија е сведок на речиси секојдневни израелски упади и напади, вклучително рации, претреси, приведувања и воспоставување воени контролни пунктови.

По соборувањето на режимот на Башар ал-Асад кон крајот на 2024 година, Израел го прогласи Договорот за раздвојување од 1974 година за неважечки и ги окупираше сириската тампон-зона и други локации, вклучително и сирискиот дел од планината Хермон.

Минатиот месец претседателот Ахмад ал-Шара изјави дека неговата земја работи, со учество на други држави, на постигнување безбедносен договор со Израел.