Израелските сили притворија 11 Палестинци

ЕРУСАЛИМ (АА) - Израелските војници приведоа 11 Палестинци на окупираниот Западен Брег, пренесува Anadolu Agency (AA).

Во соопштението на израелската Армија се истакнува дека 11 Палестинци биле приведени во синоќешните рации во различни делови на Западниот Брег, под обвинение дека „учествувале во терористички напади“.

Се додава дека Палестинците биле испратени во центарот за притвор во регионот.

Израелските сили кои честопати ги напаѓаат домовите во окупираниот Западен Брег и Источен Ерусалим (Кудс), ги приведуваат Палестинците под разни обвинувања.

Според официјалните извори на Палестина, во затворите во Израел има 5.700 Палестинци, од кои 230 се деца, а 500 имаат т.н мерка административен притвор.

Израел, со практиката на „административен притвор“ во зависност од разузнавачките информации ги држи Палестинците во притвор од 1 до 6 месеци.

Ако притвореникот се смета за „закана за безбедноста на Израел“, воениот судија може да го продолжи периодот на притвор до 5 години без да има кривично обвинение.