Израелските сили убија палестинско дете во јужниот дел на Појасот Газа и покрај прекинот на огнот

ГАЗА (АА) - Едно палестинско дете е убиено денес од огнено оружје на израелската армија во јужниот дел на Појасот Газа, и покрај важечкиот прекин на огнот меѓу Хамас и Израел, известува Анадолу.

Жртвата, 13-годишниот Хамза ал Хамс, била убиена од израелската армија во Рафа, изјави медицински извор од комплексот Насер во Хан Јунис.

Израелските сили пукале врз едно дете во областа Ал-Авда во Рафа, ранувајќи го, изјавија очевидци, додавајќи дека тој бил пренесен во болница каде им подлегнал на раните.

Првата шестнеделна фаза од договорот за прекин на огнот стапи на сила на 19 јануари, со што беше запрена израелската геноцидна војна во Појасот Газа, во која се уби9ени повеќе од 47.400 Палестинци, главно жени и деца, а повредени се повеќе од 111.000, од 7 октомври 2023 година.

Меѓународниот кривичен суд издаде налози за апсење во ноември минатата година за израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата поради неговата војна во палестинската енклава.