Кина ја одбележува 77-годишнината од основањето

Кина денес ја одбележува 77-годишнината од основањето на Народна Република Кина со прослави низ целата земја, објавија државните медиуми, пренесува Анадолу.

Кина секоја година на 1 октомври го прославува својот Национален ден, одбележувајќи го основањето на земјата во 1949 година.

Голем број луѓе присуствуваа на церемониите за подигнување на знамето низ целата земја по повод овој ден, објави државната новинска агенција „Синхуа“.

Главната церемонија за подигнување на знамето се одржа на плоштадот Тјенанмен во Пекинг, каде што огромна корпа со цвеќиња дополнително ја збогати празничната атмосфера.

Кина со различни манифестации ќе го прославува Националниот ден од 1 до 7 октомври.