Кинескиот и египетскиот претседател разговараа за билатералната соработка и регионалните прашања во Каиро

ИСТАНБУЛ (АА) – Египетскиот претседател Абдел Фатах ал-Сиси и неговиот кинески колега Си Ѓингпинг денес разговараа за начините за унапредување на соработката во билатералните односи и за регионалните прашања, објавија египетските медиуми, пренесува Анадолу.

Разговорите беа фокусирани на зајакнување на соработката меѓу Каиро и Пекинг, како и на размена на мислења за регионалните случувања и прашања од заеднички интерес, објави египетскиот државно поврзан медиум „Ал-Кахера њуз“.

Двајцата лидери разговараа во египетскиот главен град Каиро по официјалната церемонија за пречек на Си во палатата Ал-Итихадија, јави дописникот на Анадолу.

На церемонијата беа интонирани националните химни на Египет и Кина, додека во чест на претседателот во посета беа испукани свечени артилериски плотуни.

Посетата на Си е прва посета на кинески претседател на Египет во последните 10 години.

Се очекува двете страни да потпишат повеќе билатерални договори, јави дописникот на Анадолу.