Лидерот на новата сириска администрација му честита на Трамп

ВАШИНГТОН (АА) - Лидерот на новата сириска администрација, Ахмед ал Шара, му честита на американскиот претседател Доналд Трамп за инаугурацијата, јавува Анадолу.

„Веруваме дека тој е лидерот што ќе донесе мир на Блискиот Исток и ќе ја врати стабилноста во регионот“, рече тој во соопштението.

Ал Шара истакна дека со нетрпение очекува да ги подобри билатералните односи засновани врз „дијалог и разбирање“.

Башар ал Асад, лидер на Сирија речиси 25 години, побегна во Русија откако антирежимските групи ја презедоа контролата врз главниот град Дамаск на 8 декември, ставајќи крај на владеењето на партијата Баас што траеше од 1963 година.