Министерот за здравство на Либан: Над 25 лица се убиени во синоќешните израелски воздушни напади врз Либан

АНКАРА (АА) - Повеќе од 25 лица се убиени во синоќешните израелски воздушни напади врз Либан, соопшти либанскиот министер за здравство, Фирас Абjад, јавува Анадолу.

Абjад на прес-конференцијата денес рече дека воздушните напади биле извршени во различни области на Либан.

За време од речиси една година прекугранични борби меѓу Израел и Хезболах, илјадници луѓе се раселени од двете страни на границата.

Израелските сили започнаа големи воздушни напади врз Либан претходно оваа недела, при што се убиени над 700 луѓе, а беа повредени повеќе од 2.000 други. Се вели дека израелските сили се подготвуваат за можен копнен напад.

Повеќе од 1.500 луѓе се убиени откако избувнаа непријателствата меѓу Израел и Хезболах минатиот октомври, се соопштува од Министерството за здравство.

Хезболах соопшти дека дејствува како поддршка на Хамас и нема да престане додека не дојде до прекин на огнот во палестинската енклава.